ایک سال سے زیادہ عرصے سے بچھڑا ہوا بیٹا والدین کو فیس بک کی مدد سے مل گیا

والدین کے لیے اپنے بچوں سے زیادہ اہم کوئی نہیں ہوتا اور وہ انھیں پل بھر کے لیے بھی اپنی نظروں سے اوجھل ہونے نہیں دیتے۔ تو تصور کریں سوات کے علاقے کے رہائشی محمد قیوم اور باچا بی بی کا جن کا دس، بارہ سال کا قوت گویائی سے محروم بچہ گم گیا تھا لیکن فیس بک، پولیس اور سب سے بڑھ کر انسانیت کی مدد سے اپنے بیٹے محمد اسلام سے، جس کو وہ ایک سال سے تلاش کر رہے تھے، سے بالاخر سنیچر کے روز ملاقات کرنے میں کامیاب ہو گئے۔