مرغی کی قیمتوں میں اضافہ: کیا شادی سیزن بازار میں چکن کی قلّت کا باعث بنا؟

پاکستان پولٹری ایسوسی ایشن کے مطابق پاکستان میں جب وبا کا زور کم ہونے کے بعد لاک ڈاون اٹھا تو رجب اور شعبان کے مہینوں میں بےشمار شادی کی تقریبات منعقد ہوئیں، جن کی وجہ سے مرغی کی طلب میں کئی گنا اضافہ ہوا۔ دوسری جانب صارفین کے حقوق کے لیے کام کرنے والے ادارے کا ماننا ہے کہ پولٹری کا شعبہ ناجائز منافع خوری کے لیے چکن کی قیمتوں کو بڑھا رہا ہے۔