کووڈ کی دوسری لہر: انڈیا میں جاری کووڈ 19 کی دوسری لہر میں کتنی شدت ہے؟

انڈیا اس وقت کورونا وائرس کی تباہ کن دوسری لہر کی گرفت میں ہے، تاہم حکومت کا کہنا ہے کہ اب کچھ علاقوں میں اس کا پھیلاؤ کم ہوتا نظر آ رہا ہے۔ وائرس کے پھیلاؤ کا صحیح اندازہ صرف وسیع پیمانے پر ٹیسٹس کے ذریعے ہی ممکن ہے۔ انڈیا میں ہر دن تقریبا بیس لاکھ ٹیسٹ کیے جا رہے ہیں۔ مئی کے آغاز میں یہ تعداد کم ہو کر پندرہ لاکھ ہو گئی تھی، تاہم بدھ پانچ مئی کو ایک بار پھر لگ بھگ بیس لاکھ ٹیسٹ کیے گئے۔