پنڈورا پیپرز: وفاقی کابینہ کے ارکان اور سابق فوجی افسران کے پنڈورا پیپرز میں نام سامنے آنے کے بعد وزیر اعظم پاکستان کا تحقیقات کا اعلان

پنڈورا پیپرز میں لیک ہونے والی دستاویزات میں متعدد ایسی آف شور کمپنیوں اور کئی ملین ڈالر مالیت کے ٹرسٹ کے بارے میں معلوم ہوا جو مبینہ طور پر پاکستان کی سیاسی اور عسکری اشرافیہ سے تعلق رکھنے والے مختلف افراد کی ملکیت ہیں۔ وزیر اعظم عمران خان نے کہا ہے کہ جن شہریوں کے نام ہیں ان کی تحقیقات کی جائیں گی اور اگر کچھ غلط ثابت ہوا تو مناسب کارروائی کی جائے گی۔