’آج کوئی ایجنٹ آ کر کہے کہ زیادہ تنخواہ پر کام دلوائیں گے تو لڑکیاں انھیں گرفتار کروا دیں گی‘

انڈیا کی ریاست مغربی بنگال کے علی پوار دوار ضلع میں چائے کے باغات میں ہزاروں لڑکیاں کام کرتی ہیں لیکن کم اجرت کے باعث بہت سی لڑکیاں یہ کام چھوڑ کر دلی اور ممبئی جیسے بڑے بڑے شہروں کا رخ کر رہی ہیں جہاں یہ اکثر ٹریفکنگ کا شکار ہو جاتی ہیں۔ شکلا دیبناتھ برسوں سے اپنے گاؤں کی لڑکیوں اور خواتین کو ٹریفکنگ کے بارے میں آگاہی فراہم کرنے کے علاوہ بیوٹیشین کا کورس کروا رہی ہیں تاکہ انھیں ٹریفکنگ سے بچایا جا سکے۔