امرتسر میں شراب پینے سے 23 اموات، پولیس واٹس ایپ پیغامات کے ذریعے جعلی شراب کے نیٹ ورک تک کیسے پہنچی؟

امرتسر میں زہریلی شراب پینے سے 23 افراد کی موت نے انڈیا کے دارالحکومت نئی دہلی کو بھی ہلا کر رکھ دیا ہے۔پنجاب پولیس کے بارڈر رینج کے آئی جی ستیندر سنگھ نے بتایا ہے کہ مجیٹھا کے مختلف گاؤں میں جعلی شراب کے اس سنگین واقعے کا مقدمہ درج کر کے 16 ملزمان کو گرفتار کر لیا گیا ہے اور پولیس نے تحقیقات کا دائرہ نئی دہلی تک پھیلا دیا ہے۔