کیچ میں تاج بی بی کی ہلاکت: مبینہ طور پر سکیورٹی فوسز کی فائرنگ سے ہلاک ہونے والی بلوچ خاتون کا خاندان ’جھوٹی‘ ایف آئی آر کٹنے پر سراپا احتجاج

بلوچستان کے ایران سے متصل سرحدی ضلع کیچ سے تعلق رکھنے والی تاج بی بی 21 ستمبر کو گولی لگنے سے ہلاک ہوئی تھیں تاہم ان کی ہلاکت اب ایک معمہ بن چکی ہے۔ لواحقین کا دعویٰ ہے کہ ان کی ہلاکت سکیورٹی چیک پوسٹ سے فائرنگ کے نتیجے میں ہوئی، تاہم ضلعی انتظامیہ اس دعوے کی تردید کرتی ہے۔