پاکستان میں برین لمفوما کے پہلے سٹیم سیل ٹرانسپلانٹ کا دعویٰ: ایک ماہ، روشنی سے دور بند کمرے میں علاج کی تفصیل

ڈاکٹر ایاز میر نے نورین محمود سے کہا کہ اگر آپ سٹیم سیل ٹرانسپلانٹ سے علاج نہیں کروائیں گی تو آپ کے پاس جینے کے لیے فقط چار مہینے ہیں آپ سوچ لیں کہ آپ نے کیا کرنا ہے۔ یہ لمحات کینسر میں مبتلا 58 سالہ نورین محمود کے لیے فیصلہ کرنے اور پاکستان میں برین لمفوما ( سرطان کی ایک غیر معمولی قسم) کے علاج کے لیے سٹیم سیل ٹرانسپلانٹ کا ’پہلا تجربہ‘ کرنے کی تیاری کے تھے جس میں کیمو میں کیڑے مار دوا کا استعمال کیا جانا تھا۔