کیا پنجاب اور خیبرپختونخوا حکومت کے سولر منصوبے عام صارفین کو کوئی ریلیف فراہم کر سکیں گے؟

پنجاب اور خیرپختونخوا حکومتوں کی جانب سے گھریلو صارفین کے لیے سولر پینل فراہم کیے جانے کے اعلانات ایسے وقت میں سامنے آئے ہیں جب پاکستان کے بیشتر شہروں میں عوام بجلی کے بلوں میں ’اوور بلنگ‘ کی شکایات کر رہے ہیں اور بجلی کے بلوں میں استعمال شدہ یونٹس کی تعداد اور اس کے عوض واجب الادا رقم سے مطمئن نہیں۔