یحییٰ آفریدی: سپریم کورٹ کے نامزد چیف جسٹس جو از خود نوٹس کے معاملے پر ’الگ نقطہ نظر رکھتے ہیں‘

صدرِ پاکستان آصف علی زرداری نے جسٹس یحییٰ آفریدی کی بطور چیف جسٹس سپریم کورٹ تعیناتی کی منظوری دے دی ہے۔ جسٹس یحییٰ آفریدی سپریم کورٹ میں سنیارٹی میں نمبر تین پر ہیں۔ صوبہ خیبر پختونخوا کے ضلع ڈیرہ اسماعیل خان سے تعلق رکھنے والے نامزد چیف جسٹس آف پاکستان یحییٰ آفریدی کون ہیں اور بطور جج اُن کا کریئر کیسا رہا؟