’نوعمری میں حمل کو عام کرنا‘: روس کا سکول، کالج کی طالبات کو حاملہ ہونے کی ترغیب دینے کا متنازع اقدام کیا ہے؟

بچوں کی پیدائش کی شرح میں کمی کے مسئلے سے نمٹنے کے لیے روسی حکام مختلف طریقے اپنا رہے ہیں۔ سنہ 2025 کے آغاز سے اب تک روس کے 27 خطوں (صوبوں) میں حکام نے ہائی سکول اور یونیورسٹی کی سطح پر زیر تعلیم حاملہ طالبات کے لیے معاوضوں کا اعلان کیا ہے۔ اس اعلان کا مقصد یہ ہے کہ نوجوان لڑکیوں کو بچوں کی پیدائش کی جانب راغب کیا جا سکے۔